Mae UpRising Cymru yn recriwtio ledled Cymru ar gyfer rhaglen ddatblygu gyffrous.

Rhaglen beilot 10 mis yw hon o gynnwys ar-lein a sesiynau wyneb yn wyneb bob mis i adeiladu sgiliau, gwybodaeth a sgiliau rhwydweithio, lle bydd cyfranogwyr yn cael y cyfle i ymgysylltu â, a dysgu ganarweinyddion presennol o ystod eang o sectorau.

Bydd digwyddiadau allweddol yn cynnwys:

• Digwyddiad i lansio’r rhaglen
• Mynychu Gweithdai ymarferol megis Tueddiadau’r Dyfodol a Dylanwadu ar Eraill
• Mynychu Ysgol Haf ar Arweinyddiaeth
• Profi cyfle interniaeth gyda chorff cyhoeddus yng Nghymru
• Graddio – digwyddiad diwedd rhaglen lle gallwch ddathlu gyda chyfoedion

Drwy’r rhaglen, bydd gan gyfranogwyr lawer o gyfleoedd i ddatblygu eu hyder, gwybodaeth, sgiliau, sgiliau rhwydweithio, meddwl am gymdeithas a llesiant, gan ennill cyfoeth o brofiad y gellir ei ddefnyddio o fewn bywyd person a bywyd proffesiynol. Ymwelwch â’r gwefan i wybod mwy.

Y Manylion:

Dyddiadau rhaglen Bydd yr Academi Arweinyddiaeth yn cael ei lansio ar 10 Rhagfyr 2019 gyda’r rhaglen yn rhedeg o Ionawr – Hydref 2020. Bydd sesiynau wyneb yn wyneb yn cael eu cynnal bob mis mewn gwahanol leoliadau ledled Cymru. Bydd y cynnwys hwn yn cael ei gynorthwyo gan lwyfan dysgu ar-lein lle byddwch yn gweithio gyda’r garfan ledled Cymru. 

Pwy fedr ymgeisio? Rydyn ni’n croesawu ceisiadau oddi wrth unrhyw un rhwng 18-30 sy’n byw, gweithio neu’n astudio yng Nghymru.

Cost Bydd y rhaglen yn gwbl rad ac am ddim i gyfranogwyr.

Hygyrchedd? Mae gennym gronfa hygyrchedd a fedr gynorthwyo cyfranogwyr i fynychu sesiynau wyneb yn wyneb. Gellir cyrraedd pob lleoliad drwy drafnidiaeth gyhoeddus, ac mae pob lleoliad yn hygyrch i rai mewn cadair olwyn.

Sut i Ymgyfrannu:

Rwy’n dymuno cyfeirio gweithiwr/cydweithiwr Cyfeiriwch nhw at gofrestru arlein neu am nifer o bobl ifanc get in touch i drefnu sgwrs gychwynnol neu wybodaeth benodol am ddim sy’n rhoi gwybod i’ch pobl ifanc am y cyfle cyffrous hwn.Rwy’n 18-30 ac yn dymuno cymryd rhan Cymerwch ddwy funud i gofrestru arlein – byddwn yn anfon ffurflen gais atoch.

I drafod unrhyw un o’r uchod, neu am fanylion pellach cysylltwch ag Reolwr Rhaglen Academi Arweinyddiaeth Cenedlaethau’r Dyfodol , Libbi Prestidge ar elizabeth.prestidge@uprising.org.uk neu 07342 994076.

Shwmae…. Mae gan Youth Cymru gyfle cyffrous i wirfoddolwyr i ymuno a’i bwrdd ymddiriedolwyr!

Dyma beth mae’n nhw’n edrych amdano a beth allech chi cyfathrebu i sefydliad bywiog iawn!

Rydym yn edrych i adnewyddu, tyfu ein bwrdd ac arallgyfeirio ein sgiliau.

Rydym yn edrych am diddordeb a chymwysiadau gan bobl sy’n rhannu ein hangerdd dros gefnogi pobl ifanc ac sy’n cael eu cymell i ddarparu arweiniad strategol i sefydliad sydd â’i uchelgais a’i amcan yw galluogi pobl ifanc yng Nghymru i ffynnu, datblygu a chyrraedd eu potensial; gan eu galluogi i gyfrannu’n gadarnhaol at eu cymunedau a’u gwlad.

Ein nod yw adlewyrchu’r cymunedau rydyn ni’n gweithio ynddynt ac rydyn ni’n awyddus i glywed gan grwpiau sydd, ar hyn o bryd, heb gynrychiolaeth ddigonol yn ein bwrdd gan gynnwys pobl â chefndir BAME, menywod, unigolion ag anabledd neu nam a LGBT.

Am fwy o wybodaeth ac i wneud cais, ewch i’n gwefan.  https://youthcymru.org.uk/trustee-vacancies/

Bil Senedd ac Etholiadau (Cymru) —
Cyfnod 3

Cwblhawyd Cyfnod 3 y Bil Senedd ac Etholiadau (Cymru) ddydd Mercher 13 Tachwedd.

Cadarnhaodd yr Aelodau brif ddarpariaethau’r Bil, a fydd yn:

• gostwng yr oedran pleidleisio ar gyfer etholiadau’r Cynulliad i 16;
• darparu y bydd y Cynulliad yn dod yn senedd i Gymru, a gaiff ei galw’n ‘Senedd Cymru’ neu’n ‘Welsh Parliament’;
• darparu bod Aelodau’n cael eu galw’n ‘Aelodau o’r Senedd’ neu’n ‘Members of the Senedd’; 
• caniatáu i ddinasyddion tramor cymwys bleidleisio yn etholiadau’r Cynulliad;
• newid y gyfraith o ran anghymhwyso person rhag bod yn Aelod Cynulliad; a
• gwneud newidiadau eraill i drefniadau etholiadol a threfniadau mewnol y Cynulliad.

Yn ei sylwadau, dywedodd y Llywydd:

“Rwy’n falch bod y Bil Senedd ac Etholiadau (Cymru) wedi symud gam ymhellach tuag at ddiwedd ei daith ddeddfwriaethol.

“Mae’n galonogol gweld bod mwyafrif clir o Aelodau’r Cynulliad o blaid gostwng yr oedran pleidleisio i 16 a hithau’n adeg sydd mor arwyddocaol yn wleidyddol.

“Mae’r Senedd Ieuenctid wedi gwneud argraff wirioneddol yn ei blwyddyn gyntaf ac mae’n dangos pa mor gadarnhaol yw’r canlyniadau wrth roi llais i bobl ifanc. Heb os, bydd gostwng yr oedran pleidleisio yn adeiladu ar y gwaith hwn.”

Disgwylir i’r ddadl ar gyfnod olaf y Bil, Cyfnod 4, gael ei chynnal ar 27 Tachwedd.

Bydd angen “uwch-fwyafrif” o aelodau i gefnogi’r Bil cyn y caiff ei basio: mae hyn yn ei wneud yn ofynnol bod o leiaf 40 aelod o’r 60 yn pleidleisio o’i blaid.

I gael rhagor o wybodaeth am waith diwygio’r Cynulliad, ewch i
www.cynulliad.cymru/diwygiorcynulliad

Mae CGGC a ProMo-Cymru yn chwilio am bobl ifanc 14-25 oed i ymuno yn yr hyfforddiant fideo a chystadleuaeth ‘Gwneud mwy o wahaniaeth gyda’n gilydd’.

Bydd hyfforddiant fideo yn digwydd mewn sawl lleoliad yng Nghymru. Bydd y bobl ifanc yn dysgu sut i greu ffilm fer o’r dechrau.

Byddant yn cael eu grymuso i fynegi’u creadigrwydd.

Erbyn diwedd yr hyfforddiant bydd y bobl ifanc yn gallu creu fideo, gyda golwg broffesiynol, yn ymwneud â gweithredu i newid y byd er gwell.

Cyflwynir y fideos yn yr Ŵyl Ffilm Ar-lein  “Gwneud mwy o wahaniaeth gyda’n gilydd” a bydd yn cael ei rannu drwy ymgyrch cyfryngau cymdeithasol cenedlaethol. Bydd panel o wneuthurwyr fideo proffesiynol yn dewis y 5 fideo orau i’w arddangos yng Ngŵyl gofod3 ym mis Mawrth 2020.

Ein bwriad ydy creu gweithgor cynhwysol, felly croesawir pobl o gefndiroedd a phrofiadau gwahanol.

Gobeithiwn y gallwch chi rannu’r neges hon gyda phobl ifanc sydd â stori i’w ddweud a’r awydd i rannu hyn drwy fideo.

Os felly, rhowch wybod i ni drwy e-bost i dayana@promo.cymru

Mae gan aelodau CWVYS Dîm Cymorth Lleiafrifoedd a Ieuenctid Ethnig ddau ddigwyddiad gwych yn y dyfodol agos!

Ddydd Mercher y 27 o Tachwedd ymunwch â nhw yn adeilad y Pierhead ar gyfer cynhadledd 1 diwrnod Prosiect Sgiliau BME: ‘Adeiladu Gallu trwy Asedau Cymunedol’.

Mae’r Prosiect Sgiliau BME yn gydweithrediad unigryw rhwng pedwar sefydliad, EYST, C3SC (Caerdydd) SCVS (Abertawe) ac AVOW (Wrecsam). Nod y prosiect yw cefnogi grwpiau cymunedol BME trwy gefnogaeth mentoriaid gwirfoddol medrus o’r tu mewn a’r tu hwnt i’r gymuned BME.

Bydd y gynhadledd hon yn arddangos llwyddiant y prosiect ac yn archwilio sut y gall pob sector gefnogi Grwpiau Cymunedol BME i adlewyrchu, dysgu a thyfu.

Peidiwch â cholli’ch cyfle i fod yn rhan o’r sgwrs bwysig hon gyda darparwyr cymorth a chyllidwyr y trydydd sector yng Nghymru. I archebu lle ar y gynhadledd gweler y ddolen isod

https://www.eventbrite.co.uk/e/bme-skills-conference-tickets-75886317017

Y diwrnod canlynol, dydd Iau yr 28ain o Dachwedd, ymunwch â’r tîm ar gyfer adolygiad rhaglen 3 blynedd o’r ‘Prosiect Gwydnwch’

Dechreuodd Prosiect Gwydnwch ‘TCLE Cymru’ yn 2017 i fynd i’r afael â thri maes allweddol, radicaleiddio, eithafiaeth dde-dde a chamfanteisio rhywiol blentyndod (CRB).

Nod y prosiect yw galluogi pobl ifanc 11-24 oed yn well i herio ideolegau eithafol a nodi risgiau iddyn nhw eu hunain ac i eraill. Bydd y gynhadledd hon yn rhoi cyfle i edrych ar weithgareddau’r rhaglen a nodi gwersi a ddysgwyd a phryderon yn y dyfodol.

Mae croeso i weithwyr proffesiynol, ymarferwyr a gwirfoddolwyr o’r sectorau cyhoeddus a chymuned / elusennol ddod i rannu a rhannu profiad a syniadau.

Fe’i cynhelir rhwng 9yb ac 1yp yn y Deml Heddwch yng Nghaerdydd, i archebu lee dilynwch y ddolen yma: https://www.eventbrite.com/e/resilience-conference-changing-what-matters-tickets-78470717027

gefnogi cyflwyno’r cwricwlwm newydd yng Nghymru

Fe’ch gwahoddir i fynychu gweithdy i’ch diweddaru am ddatblygiad cwricwlwm drafft newydd Cymru 2022 ac i ystyried sut y gall sefydliadau eraill gefnogi cyflwyno’r cwricwlwm newydd mewn ysgolion. Byddwch hefyd yn cael y cyfle i glywed am enghreifftiau o arferion da. Rhannwch y gwahoddiad gyda’ch rhwydwaith ehangach.

Cynhelir y gweithdy yng Ngwesty’r Imperial, Llandudno, LL30 1AP ar 11 Rhagfyr 2019, bydd yn dechrau am 10:00am ac yn gorffen am 14:00pm.

Cofrestrwch ar-lein ar https://www.eventbrite.co.uk/e/organisations-who-can-support-delivery-of-the-new-curriculum-in-wales-tickets-82010747353