Author: Helen

Mae’r Llywodraeth Cymru wedi cyhoeddi canllawiau a fydd o gymorth i ddeall Gorchymyn Eithriadau Gwarchod Plant a Gofal Dydd (Dirymu a Darpariaeth Drosiannol) (Cymru) 2026. Cofrestru fel darparwr gofal plant: eithriadau | LLYW.CYMRU

Pwrpas y canllawiau yw codi ymwybyddiaeth o’r newidiadau sydd ar ddod yn sgil y Gorchymyn, a helpu darparwyr a rhanddeiliaid i ddeall beth y gallai’r newidiadau ei olygu i wahanol fathau o ddarpariaeth. Y bwriad yw cefnogi darparwyr yn y sectorau cofrestredig ac anghofrestredig i ystyried sut y gallai’r newidiadau effeithio ar eu darpariaeth, ac a allai fod yn ofynnol iddynt gofrestru gydag Arolygiaeth Gofal Cymru (AGC).

Dyma rai o’r newidiadau allweddol a gyflwynir gan Orchymyn 2026:

• Eglurder ynghylch pryd mae gwarchodwyr plant sy’n gofalu am blant sy’n perthyn iddynt wedi’u heithrio rhag y gofyniad i gofrestru
• Adolygu’r terfynau oedran ac amser presennol a chyflwyno trothwyon newydd ar gyfer rhai eithriadau, yn enwedig ar gyfer gweithgareddau coetsio a dysgu
• Cryfhau’r trefniadau goruchwylio a sicrhau ansawdd ar gyfer darpariaeth i blant dwy oed ac iau
• Cysoni’r eithriadau ar gyfer nanis, au pairs a charcwyr
• Galluogi plant 10 oed i fanteisio ar wasanaethau ieuenctid wrth bontio
• Rhwystro darparwyr sydd wedi’u hatal rhag gweithredu o dan eithriadau penodol.

Mae’r canllawiau hefyd yn darparu rhagor o wybodaeth am y cyfnod pontio, cyn i’r Gorchymyn ddod yn orfodol.

Er mwyn helpu i godi ymwybyddiaeth mae croeso i chi rannu’r wybodaeth yma, ac wrth gwrs gallech rhannu postiadau’r Llywodraeth Cymru ar y cyfryngau cymdeithasol wrth iddynt gael eu cyhoeddi. Bydd hyn yn helpu i sicrhau bod darparwyr, sefydliadau a rhanddeiliaid ehangach yn ymwybodol o’r newidiadau sy’n dod, yn gwybod lle i ddod o hyd i’r canllawiau, ac yn deall lle i fynd am ragor o wybodaeth.

Mae Wythnos Croeso i dy Bleidlais yn wythnos ymwybyddiaeth flynyddol a drefnir gan y Comisiwn Etholiadol ar gyfer addysg ddemocrataidd.

Nod yr wythnos yw helpu pobl ifanc i ddysgu am ddemocratiaeth, pleidleisio ac etholiadau, a theimlo’n fwy hyderus wrth gymryd rhan.

Gallwch weld rhai enghreifftiau o sut y cefnogodd sefydliadau’r wythnos yn 2026 yma – Wythnos Croeso i dy Bleidlais | Y Comisiwn Etholiadol

Cynhelir Wythnos Croeso i dy Bleidlais 2027 rhwng dydd Llun 8 Mawrth a dydd Sul 14 Mawrth. Os oes gennych ddiddordeb mewn cymryd rhan yn ymgyrch y flwyddyn nesaf, rwy’n eich annog i gofrestru ar gyfer y gweminar ar 24 Tachwedd i gael gwybod mwy; https://www.eventbrite.co.uk/e/be-part-of-welcome-to-your-vote-week-2027-wales-tickets-2003504840912?aff=oddtdtcreator

Y Cyngor Prydeinig yw Asiantaeth Genedlaethol y DU ar gyfer Rhaglen Erasmus+, y bydd y DU yn gallu cymryd rhan ynddi eto pan fydd y galwad am gyllid yn agor yn ddiweddarach eleni.

Gan fod y DU wedi bod allan o’r rhaglen ers nifer o flynyddoedd, mae’r Cyngor Prydeinig yn cynnal cyfres o weminarau eglurhaol i gyflwyno (neu ailgyflwyno) y Sector Ieuenctid i’r posibiliadau y gall cyllid Erasmus+ eu cynnig i unigolion a sefydliadau.

Isod gallwch weld rhestr o’r gweminarau sydd ar ddod. Sylwch y byddant yn cael eu recordio a’u rhoi ar-lein ar gyfer unrhyw un na all fod yn bresennol yn fyw.

Os na allwch fod yn bresennol, byddwch yn gallu gweld recordiadau o’r gweminarau yma maes o law; https://www.youtube.com/@ErasmusPlus-UK Mae’n werth tanysgrifio i gael hysbysiadau 🙂

 

Sesiwn Wybodaeth Erasmus+ Ieuenctid: Dechrau gyda Erasmus+ Ieuenctid

Dyddiad: Dydd Gwener 16 Hydref, 12:00 – 13:00 BST

Cofrestrwch yma

 

Sesiwn Thema Erasmus+ Ieuenctid: Cyfnewidiadau ieuenctid

Dyddiad: Dydd Llun 19 Hydref, 10:00 – 11:00 BST

Cofrestrwch yma

 

Sesiwn Thema Erasmus+ Ieuenctid: Symudedd gweithwyr ieuenctid

Dyddiad: Dydd Mawrth 20 Hydref, 10:00 – 11:00 BST

Cofrestrwch yma

 

Sesiwn Thema Erasmus+ Ieuenctid: DiscoverEU ar gyfer Cynhwysiant

Dyddiad: Dydd Mercher 21 Hydref, 12:00 – 13:00 BST

Cofrestrwch yma

 

Sesiwn Thema Erasmus+ Ieuenctid: Cyfranogiad ieuenctid

Dyddiad: Dydd Iau 22 Hydref, 12:00 – 13:00 BST

Cofrestrwch yma

 

Sesiwn Thema Erasmus+ Ieuenctid: Prif Weithrediad 2 (KA2)

Dyddiad: 26 Hydref, 10:00 – 11:00 GMT

Cofrestrwch yma

 

Gweminar Dod o Hyd i Bartneriaid Pan-Nordig (Y Ffindir, Denmarc, Sweden, Norwy) gyda’r DU

Dyddiad: 3 Tachwedd, 14:00 – 15:00 GMT

Dysgwch fwy a chofrestrwch yma

Gwnewch yn siwr fod chi’n tanysgrifio i’r cylchlythr E+ y DU hefyd; https://www.erasmusplus.org.uk/cy/cylchlythyr

Cyhoeddodd Delyth Jewell AS, y Dirprwy Weinidog dros Ofal Cymdeithasol, Iechyd Meddwl ac Iechyd Menywod, ddatganiad yn ddiweddar ar ddiogelu.

Mae ‘Diogelu Cryfach ar gyfer Cymru Fwy Diogel’ yn ymateb i ganfyddiadau’r Adolygiad Atgyfnerthu Trefniadau Llywodraethiant Diogelu, a arweiniwyd gan Jan Pickles OBE. Nododd yr Adolygiad fod angen goruchwyliaeth genedlaethol gryfach, atebolrwydd cliriach a threfniadau mwy cyson ar gyfer casglu a rhannu gwybodaeth a gwersi ym maes diogelu, a gweithredu ar eu sail. Mae rhaglen ‘Diogelu Cryfach ar gyfer Cymru Fwy Diogel’ yn cyflwyno ein hymateb i’r canfyddiadau hyn ac yn cryfhau trefniadau diogelu ar gyfer y dyfodol.

Dysgwch ragor yma: https://www.llyw.cymru/datganiad-ysgrifenedig-diogelu-cryfach-ar-gyfer-cymru-fwy-diogel

Mae’n debyg eich bod eisoes yn ymwybodol y bydd y DU yn ailymuno â Rhaglen Erasmus+ pan fydd y rownd nesaf yn agor ar gyfer ceisiadau yn ddiweddarach y gaeaf hwn neu yn y flwyddyn newydd.

I unrhyw un sydd â diddordeb mewn gwneud cais ac sy’n chwilio am sefydliadau partner i gydweithio â nhw, fe welwch wahoddiad isod i sesiwn paru partneriaid ar gyfer ‘Key Action 1’ a ‘Key Action 2’ ym maes Ieuenctid.

Cynhelir y ddwy sesiwn ym mis Tachwedd: dydd Iau y 19eg a dydd Gwener yr 20fed.

Edrychwch isod os oes gennych ddiddordeb, a gwnewch yn siŵr eich bod yn cyflwyno cais erbyn y 6ed o Dachwedd.

Gwahoddiad: Digwyddiadau Paru Partneriaid Ieuenctid Erasmus+ 2027

Rydym yn eich gwahodd i ddigwyddiadau Paru Partneriaid Ieuenctid Erasmus+ 2027; dau ddigwyddiad ar-lein am ddim ar gyfer sefydliadau yn y DU a gwledydd eraill yn Ewrop sy’n gweithio ym maes ieuenctid. Bydd y digwyddiadau yn eich helpu i ddod o hyd i bartneriaid sy’n gweithio ar bynciau tebyg ac i drafod syniadau prosiect ar gyfer Galwad 2027.

•  KA1 Ieuenctid (KA152, KA153, KA154, KA155): Dydd Iau, 19 Tachwedd 2026, 16:00–19:00 CET (15:00–18:00 amser y DU).
• KA2 Ieuenctid (KA210-YOU, KA220-YOU): Dydd Gwener, 20 Tachwedd 2026, 16:00–19:00 CET (15:00–18:00 amser y DU).

Cynhelir y ddau ddigwyddiad ar Zoom, gyda stafelloedd trafod thematig ar gyfer paru partneriaid a chyflwyno syniadau prosiect. Gallwch gofrestru ar gyfer un neu’r ddau ddigwyddiad gan ddefnyddio’r ddolen https://forms.gle/xZ3WiCEkxnHtiV88A erbyn 6 Tachwedd 2026 am 23:59 CET (22:59 amser y DU).

Byddwn yn adolygu pob cofrestriad ac yn anfon cadarnhad drwy e-bost gyda’r ddolen Zoom o fewn 10 diwrnod. Mae’r digwyddiadau hyn yn rhad ac am ddim ac yn cael eu trefnu’n annibynnol gan SUMA; nid ydynt yn ddigwyddiadau swyddogol gan y Comisiwn Ewropeaidd na’r Asiantaeth Genedlaethol Erasmus+.

Cofion gorau,
Leo Fel, Is-lywydd
SUMA – Cymdeithas ar gyfer Datblygu Cynaliadwy
info@udrugasuma.hr

Mae gwahoddiad i dendro ar gyfer rheoli a chydlynu’r Marc Ansawdd ar gyfer Gwaith Ieuenctid yng Nghymru o fis Ebrill 2027 ymlaen wedi’i gyhoeddi drwy eTenderWales.

Mae rhagor o fanylion i’w gweld yma: C005/2026/2027 NOD ANSAWDD AR GYFER GWAITH IEUENCTID

Y dyddiad cau ar gyfer cyflwyno tendrau yw 2 Tachwedd. Dylid anfon unrhyw ymholiadau drwy blatfform eTenderWales.

Mae llawer ohonoch eisoes yn ymwybodol o waith ein Swyddog Cymorth Busnes a Phrosiectau Mandi, gyda Bytes, ond fel nodyn atgoffa: mae Lleisiau dros Effaith yn blatfform digidol ac yn offeryn arolwg sydd wedi’i gynllunio i gasglu ac ymhelaethu ar safbwyntiau plant a phobl ifanc rhwng 9 a 25 oed ledled y DU a Gweriniaeth Iwerddon.

Mae gan Mandi daleb Amazon gwerth £125 i’w rhoi i’r sefydliad sydd wedi cyflwyno’r nifer mwyaf o ymatebion i’r arolwg gan bobl ifanc. 😃

Os gallai £125 eich helpu i gael gafael ar ddeunyddiau crefft gwych, darn o dechnoleg neu hyd yn oed fyrbrydau ar gyfer eich sefydliadau, pam na wnewch chi gynnal sesiynau gyda’r bobl ifanc rydych chi’n gweithio gyda nhw a chael cyfle i ennill?

Dim ond ychydig funudau y mae arolygon yn eu cymryd ac maent yn ymdrin â materion pwysig gan gynnwys:

Cymdeithas Decach

Mynediad Digidol

Iechyd a Lles Da

Dysgu, Sgiliau a Gwaith

Mae pob arolwg wedi’i gwblhau yn helpu i adeiladu sylfaen dystiolaeth gryfach ac yn sicrhau bod lleisiau pobl ifanc yn cael eu clywed mewn penderfyniadau yn y dyfodol. Gall y rhai sydd â diddordeb glicio ar bob categori i weld canlyniadau’r ymatebion sydd eisoes wedi’u cyflwyno; mae’n rhoi cipolwg hynod ddiddorol ar farn pobl ifanc ar ystod eang o bynciau sy’n effeithio arnynt, ac ar gymdeithas yn ehangach.

👉 Cofrestrwch eich sefydliad yma: https://voicesforimpact.ai/submit-your-group/

Eisoes wedi cofrestru? Mewngofnodwch a dechreuwch annog pobl ifanc i gymryd rhan heddiw.

Yma gallwch ddod o hyd i becyn gwybodaeth i gefnogi hwyluso sesiwn yn eich grŵp;

Welsh version – VfI Workshop facilitation pack (Sept 2026) 1

Mae CWVYS yn gweithio mewn partneriaeth ag Addysg Oedolion Cymru i ddarparu cyfleoedd dysgu am gost llawer is gyda mynediad ar gael ar gyfer Aelodau CWVYS yn unig.

Mae’r tabl amgedig yn amlinellu beth sydd ar gael, faint mae pob cwrs yn ei gostio fesul person a’r gost gymharol i’r rhai nad ydynt yn Aelodau o CWVYS.

Os ydych chi’n awyddus i gofrestru, cysylltwch â shelley.kear@adultlearning.wales neu Robert.Burton@adultlearning.wales a gwnewch yn siŵr eich bod chi’n dweud wrthyn nhw eich bod chi’n Aelod o CWVYS er mwyn manteisio ar y ffi ostyngedig!

Rydym am anfon cylchlythyr arbennig o’r enw Newyddion Da yn gynnwys gwybodaeth am rai o’r prosiectau rhyngwladol anhygoel y mae ein Haelodau wedi bod yn rhan ohonynt yn ddiweddar.

Mae wedi bod yn wirioneddol ysbrydoledig gweld rhai o’r teithiau rydych chi wedi gallu mynd â phobl ifanc arnynt a’r rhan orau o’m swydd yw clywed am gyfleoedd fel y rhain, na fyddai’n bodoli heb ein grwpiau ieuenctid diflino ledled Cymru yn gwneud cais am gyllid, yn trefnu ac yn gofalu am eich pobl ifanc cyn, yn ystod ac ar ôl eich teithiau!

A dweud y gwir, ar ôl yr haf swrrealaidd a gawsom (torri records am y rhesymau anghywir), a’r amseroedd ansicr sydd o’n blaenau, rwy’n credu bod ychydig o newyddion da yn mynd yn bell mewn hinsawdd fel ein byd ni ar hyn o bryd.

Felly anfonwch eich straeon, eich postiadau, eich lluniau ataf i helen@cwvys.org.uk

Mae gan ProMo Cymru brosiect ymchwil cenedlaethol newydd ac mae’n chwilio am bobl i ymuno â Phanel Profiad Byw i helpu i’w arwain.

Mae’r astudiaeth yn canolbwyntio ar wasanaethau iechyd meddwl “mynediad agored” newydd Cymru, sy’n anelu at ganiatáu i bobl ddewis y gefnogaeth maen nhw ei eisiau a chael cymorth ar yr un diwrnod ag y maen nhw’n gofyn amdano.

Byddem wrth ein bodd yn cael eich cefnogaeth i rannu’r cyfle hwn gydag unrhyw gysylltiadau proffesiynol rydych chi’n eu hadnabod a allai ddosbarthu hwn gyda’u cymunedau. Mae’r paneli ar agor i’r rhai 14+ oed a byddant yn cynnwys grŵp pobl ifanc (14-20) a grŵp oedolion (18+).

Bydd angen i bob cyfranogwr sydd â diddordeb hefyd fod â:
• profiad o anawsterau iechyd meddwl
• defnyddio gwasanaethau iechyd meddwl y GIG, neu geisio cael mynediad at gymorth

A allech chi anfon y cyfle at eich cysylltiadau cyn gynted â phosibl? Mae ceisiadau’n cau 27 Medi.

Mae’r dolenni i’r cyfle yma:
• Saesneg
• Cymraeg

Rwyf hefyd wedi atodi graffeg y gellir eu rhannu.

PDF CYM OAMHS Recruitment Adults Graphic

PDF CYM OAMHS Recruitment YP Graphic

PDF ENG OAMHS Recruitment Adults Graphic

PDF ENG OAMHS Recruitment YP Graphic

Gwelwch isod neges wrth ein cydweithwyr yn y Llywodraeth Cymru:

Yn dilyn sefydlu Dysgu, ein corff cenedlaethol ar gyfer dysgu proffesiynol ac arweinyddiaeth, rydym wedi penderfynu y bydd cyfrifoldeb am y PDP yn trosglwyddo o Gyngor y Gweithlu Addysg (CGA) i Dysgu o fis Medi 2028. Hoffem ddiolch i’r CGA am ddatblygu a chynnal y PDP hyd yma.

Mae rhaglenni Dysgu yn canolbwyntio ar ymarferwyr ysgolion. Fodd bynnag, o ran y PDP yn benodol, bydd Dysgu yn gallu darparu gwasanaethau ar gyfer ymarferwyr eraill os mai dyna fydd yr opsiwn a ffefrir sy’n deillio o’r broses ddarganfod ac ymgysylltu.

Yr uchelgais y tu ôl i’r newid hwn yw parhau i gefnogi myfyrio, ymholi a thaith ddysgu broffesiynol gydlynol drwy gydol gyrfa ymarferwr, gan sicrhau aliniad agosach â’r trefniadau ehangach ar gyfer dysgu proffesiynol ac arweinyddiaeth yng Nghymru.

Rydym yn cydnabod pwysigrwydd gweithio’n agos gyda phartneriaid, rhanddeiliaid a defnyddwyr er mwyn sicrhau bod trefniadau’r dyfodol yn diwallu anghenion y gweithlu addysg, yn ogystal â rhaglenni a gweithgareddau sy’n defnyddio’r PDP ar hyn o bryd. Felly, rydym ar ddechrau proses ddarganfod ac ymgysylltu, lle byddwn yn gweithio gyda chi mewn ffordd gydweithredol i ddeall y defnydd presennol, nodi gofynion y dyfodol ac ystyried y cyfleoedd a’r heriau sy’n gysylltiedig â’r newid arfaethedig cyn mis Medi 2028.

Nid oes unrhyw newidiadau i ddefnyddwyr y PDP ar hyn o bryd, ac un o’n prif flaenoriaethau fydd sicrhau parhad gwasanaeth drwy gydol y cyfnod pontio. Rydym yn cydnabod y bydd rhai rhaglenni a gweithgareddau sy’n cael eu cefnogi drwy’r PDP ar hyn o bryd yn parhau y tu hwnt i fis Medi 2028, a byddwn yn gweithio’n agos gyda darparwyr a chyfranogwyr perthnasol i sicrhau bod trefniadau pontio priodol yn cael eu rhoi ar waith. Bydd gwasanaethau’r dyfodol ar ôl mis Medi 2028 yn dibynnu ar adborth gan ddefnyddwyr a rhanddeiliaid eraill.

I gefnogi’r gwaith hwn, mae Atodiad 1 (ynghlwm) yn amlinellu cynllun prosiect lefel uchel drafft ar gyfer y trosglwyddiad, a fydd yn cael ei arwain gan Lywodraeth Cymru. Bydd y cynllun yn parhau i gael ei fireinio yn ystod y cyfnod darganfod wrth i drefniadau llywodraethu, rolau a chyfrifoldebau, a cherrig milltir allweddol gael eu datblygu.

Byddwn yn darparu rhagor o wybodaeth am weithgareddau ymgysylltu arfaethedig a chyfleoedd i gyfrannu maes o law.

Yn y cyfamser, mae croeso i chi rannu’r wybodaeth ddiweddaraf hon gyda chydweithwyr. Os oes gennych unrhyw gwestiynau neu bryderon pellach, cysylltwch ag IsadranYmarferwyrYsgolion@llyw.cymru.

Diolch am eich cefnogaeth a’ch cyfranogiad yn y gwaith pwysig hwn.

Yn gywir

Is-adran Ymarferwyr Ysgolion

Croeso i’r Nicofiends! Dysgwch fwy gan ASH yn eu geiriau nhw yma;

A all eich pobl ifanc weld Nicofiend? Mae Nicofiends yn ymgyrch greadigol ASH Cymru sy’n dod â’r pwysau sy’n ymwneud ag ysmygu, anweddu a nicotin yn fyw.

Trwy weithgareddau, gemau a heriau creadigol am ddim, mae pobl ifanc yn archwilio pethau fel ffitio i mewn, heriau, straen, diflastod, marchnata a dylanwad ar-lein, yna’n troi’r hyn maen nhw wedi’i ddysgu yn rhywbeth creadigol.
Gall ysgolion, grwpiau ieuenctid, clybiau, sefydliadau cymunedol a theuluoedd ledled Cymru gymryd rhan, gydag adnoddau ar gyfer gwahanol oedrannau a chystadleuaeth genedlaethol ar gyfer plant a phobl ifanc 4–17 oed.

Dewch o hyd i’r adnoddau a’r gystadleuaeth am ddim yn https://ash.wales/nicofiends/

Neu lawrlwythwch eu pdf defnyddiol i ddysgu mwy; Nicofiends Pecyn Cyfathrebu