Mae ‘Rhaglen Ymddiriedolwyr ar y Bwrdd’ CWVYS yn gydweithrediad unigryw rhwng busnesau Cymru a’r sector ieuenctid gwirfoddol yma yng Nghymru, gan ddarparu sgiliau newydd i fyrddau sefydliadau ieuenctid yng Nghymru.
Mae hwn yn gyfle cyffrous i fusnesau a sefydliadau ieuenctid gwirfoddol wneud effaith gadarnhaol ar bobl ifanc ein cenedl ym mhob rhan o Gymru. Ar hyn o bryd rydym yn recriwtio, hyfforddi ac archwilio gwirfoddolwyr o fusnesau; gyda’r nod o roi’r cyfle iddynt hwy ac aelodau CWVYS i gryfhau a hybu cyfleoedd i bobl ifanc ledled Cymru.
Mae 20 aelod o CWVYS eisoes wedi ymuno â’r cynllun, a byddwn yn edrych i ddyblu cyfranogiad o leiaf erbyn diwedd y flwyddyn hon.
Sut mae’n gweithio?
I Aelodau CWVYS:
- Byddwn yn eich annog neu’n eich cynorthwyo gyda dadansoddiad sgiliau o’ch bwrdd.
- Byddwn yn gweithio gyda chi i sicrhau aelod bwrdd ychwanegol, a fydd yn dod â’r sgiliau ychwanegol a nodwyd gennych, i’ch helpu i gynnal a thyfu’r hyn a wnewch.
- Byddwn yn cynorthwyo lle bo angen yn ogystal â rhannu unrhyw gyfleoedd neu wersi sy’n codi o’r rhaglen ym mhob cam.
- Ac yn olaf, byddwn yn rhoi mesurau ar waith (erbyn Haf 2027) i gynnal y partneriaethau CWVYS / Busnes sydd wedi’u gwneud, er budd y ddau, i’r dyfodol.
Sut ydw i’n ymuno? Beth sydd angen i mi ei wneud? Beth yw’r amserlen? ac ati.
Archebwch gyfarfod yma i drafod; EifionCalandyScheduler
Ar gyfer Busnesau yng Nghymru:
- Byddwn yn rhoi cyfle i arweinwyr y dyfodol uchelgeisiol ymhlith eich staff ddatblygu eu rhinweddau unigryw o fewn un o’n sefydliadau Aelod fel aelod o’u bwrdd.
- Byddwn yn paratoi aelod/au eich staff mewn sesiwn awr yr wythnos am fis, fel eu bod yn ymwybodol o’r gofynion gofynnol ar gyfer Ymddiriedolwr a/neu Gyfarwyddwr.
- Bydd aelod/au eich staff yn ennill sgiliau arweinyddiaeth gwerthfawr, cysylltiadau, datrys problemau a chynllunio strategol o fewn senarios bywyd go iawn.
- Yn y tymor hir, bydd gan eich busnes gysylltiad Cyfrifoldeb Cymdeithasol Corfforaethol rhagorol gydag un o 174 o sefydliadau ieuenctid sy’n ffurfio aelodaeth CWVYS ym mhob cwr o Gymru. O’r lleol i’r cenedlaethol, maent i gyd yn gwneud gwaith hanfodol ar draws ein cymunedau.
Sut fydd fy aelodau staff yn cael eu cefnogi? Faint o amser fyddan nhw’n gwirfoddoli?
Archebwch gyfarfod yma i drafod; EifionCalandyScheduler
Gallwch hefyd anfon ebost trwy; eifion@cwvys.org.uk
I gael gwybod mwy am y rhaglen hon a manteision gweithio gyda’r sector ieuenctid gwirfoddol, gweler ein Taflen Ymddiriedolwyr ar y Bwrdd