Mae ein Swyddog Prosiectau a Chymorth Busnes, Mandi, wedi bod yn arwain ar Voices for Impact i ni. Mae Voices for Impact yn bartneriaeth dan arweiniad Bytes (Gogledd Iwerddon), gyda Chlybiau Bechgyn a Merched (Gogledd Iwerddon), Mentrau Ieuenctid (Gogledd Iwerddon), YMCA (Gweriniaeth Iwerddon/Gogledd Iwerddon), Cyngor Ieuenctid Cenedlaethol Iwerddon (Gweriniaeth Iwerddon), YouthLink (Yr Alban) a CWVYS (Cymru).
Trwy blatfform democratiaeth ddigidol, mae’r arolwg hwn yn grymuso pobl ifanc i rannu eu barn ar themâu pwysig sy’n cyd-fynd â chwech o Nodau Datblygu Cynaliadwy’r Cenhedloedd Unedig (SDGs) a Deddf Llesiant Cenedlaethau’r Dyfodol Cymru. Gall Gwasanaethau Ieuenctid Gwirfoddol a Statudol gofrestru i weithio gyda phobl ifanc i’w paratoi i ymateb yn ddienw ac yn hyderus i’r arolwg.
Os gwnaethoch chi golli’r hyfforddiant ar sut i ddefnyddio’r platfform Voices for Impact – peidiwch â phoeni! Gallwch chi barhau i ymuno a defnyddio Model Lundy ar gyfer Cyfranogiad Ieuenctid, cofnodi profiadau go iawn y bobl ifanc rydych chi’n gweithio gyda nhw yna defnyddio’r data hwn i lunio’ch gwasanaethau a’i gyflwyno fel tystiolaeth ar gyfer llu o ddefnyddiau a dylanwad.
Prosiect Voices for Impact – platfform ar-lein i gasglu barn a safbwyntiau pobl ifanc.
Mae ORINI (Optimum Research and Innovation NI) yn darparu hyfforddiant ar sut i ddefnyddio’r platfform. Mae’r hyfforddiant hwn ar gyfer unrhyw un sy’n gweithio gyda phlant a phobl ifanc yn y sectorau gwirfoddol a statudol, boed hynny mewn lleoliadau gwaith ieuenctid, gwasanaethau cymdeithasol neu addysg.
Byddem wrth ein bodd pe gallech gofrestru presenoldeb isod a rhannu gyda chydweithwyr neu sefydliadau a allai fod â diddordeb;
Os oes gennych unrhyw gwestiynau, mae croeso i chi gysylltu ag Amanda@cwvys.org.uk