Mae Cymru Global (a elwid gynt yn CMRC) yn ysbrydoli pobl i ddysgu a gweithredu ar faterion byd-eang fel y gall pawb yng Nghymru gyfrannu at greu byd tecach a mwy heddychlon.
Rydym yn gwneud hyn drwy ein prif feysydd gweithredu:
Dysgu Byd-eang: Rydym yn hyrwyddo dysgu byd-eang i baratoi Cymru ar gyfer ein dyfodol cyffredin. Rydym yn ysbrydoli diddordeb pobl mewn materion byd-eang ac yn datblygu eu dealltwriaeth o pam mae’r materion hyn yn berthnasol i’n bywydau ni i gyd. Rydym hefyd yn cefnogi addysg anffurfiol drwy brofiadau gwirfoddoli yng Nghymru ac yn rhyngwladol (dros 50 o leoliadau y flwyddyn) sydd â effaith drawsnewidiol ar hyder, sgiliau ac agweddau.
Gweithredu Byd-eang: Rydym yn ysbrydoli gweithredu byd-eang mewn cymunedau a sefydliadau yng Nghymru. Rydym yn cefnogi cymunedau a sefydliadau i uno y tu ôl i weithredu byd-eang yng Nghymru. Mae hyn yn golygu rhoi ein harbenigedd a’n rhwydweithiau y tu ôl i ymgyrchoedd a gweithgareddau cartref, dathlu eu cyflawniadau a chefnogi sefydliadau i fod yn fwy cyfrifol yn fyd-eang.
Partneriaethau Byd-eang: Rydym yn adeiladu partneriaethau byd-eang sy’n cysylltu Cymru a’r byd. Rydym yn cefnogi partneriaethau byd-eang sy’n cryfhau Cymru fel cenedl sy’n edrych tuag allan ac sy’n gyfrifol yn fyd-eang. Rydym yn cefnogi cyfeillgarwch rhyngwladol a chydweithrediad cydfuddiannol, ac rydym yn cydlynu ac yn cryfhau gweithgaredd datblygu rhyngwladol Cymru.
Treftadaeth Heddwch: Mae ein 3 rhaglen wedi’u hategu gan waith Treftadaeth Heddwch Cymru Global, gan adeiladu ar ddysgu o hanes hir Cymru o symudiadau rhyngwladol, a’n rôl fel gwarcheidwaid Teml Heddwch ac Iechyd Genedlaethol Cymru.
Fe wnaethon ni uno â’n partneriaid hirdymor UNA Exchange ym mis Ebrill 2020, gan gymryd eu holl staff a rhannu eu harbenigedd â’n rhai ni. Mae gan y ddau sefydliad dros 50 mlynedd o brofiad o gynnal a chefnogi gwersylloedd gwaith, gwersylloedd heddwch a recriwtio ac anfon gwirfoddolwyr ledled y byd.
Fel aelod o’r Gynghrair Ewropeaidd ar gyfer gwasanaeth gwirfoddol rhyngwladol a’r CCIVS, mae Cymru Global wedi bod wrth wraidd eiriolaeth a datblygu arfer gorau ar gyfer cyfnewid rhyngwladol. Mae gan ein staff brofiad helaeth o raglenni EVS ac ESC yn gweithio gyda gwirfoddolwyr cyfnewid rhyngwladol ers bron i 50 mlynedd.