|
Ymddiriedolaeth annibynnol yw’r Ffatri Gelf a sefydlwyd yn 1990 gan bobl leol a oedd wedi cael digon ar gael eu labelu fel “problemau” ac a oedd am greu cymuned gref a chynhwysol o bobl yn rhannu’r un gwerthoedd. Credwn mewn cyfiawnder cymdeithasol a datblygiad cynaliadwy. Adeiladwn ein cymuned trwy feithrin menter, trwy ddatblygu pobl a thrwy ddarparu cyfleusterau. Rydym yn cydweithio â phobl o bob cefndir. Adlewyrchir hyn yn ein rhaglen ieuenctid sy’n cynnig nid yn unig weithgareddau yn y brif ffrwd ond sydd hefyd yn parchu cenhadaeth graidd y Ffatri Gelf trwy roi pwyslais ar ateb anghenion pobl ifanc sydd ag anableddau a rhai sydd wedi’u dieithrio neu wedi’u didoli oddi wrth addysg a chymdeithas. Trwy ateb anghenion y bobl ifanc fwyaf ymylol, rydym yn arddel y syniad a gynrychiolir gan arwyddair y corff h.y. “Neb i gael ei daflu dim mwy”.
|