CWVYS The Independent Voice of the Voluntary Youth Sector in Wales

CWVYS logo

Chwilio’r wefan

Mewn partneriaeth â...
CWVYS
Ty Baltic
Sgwar Mount Stuart
Caerdydd
CF10 5FH

Ffon 029 2047 3498 Ffacs 029 2045 1245

Rhif Elusen Gofrestredig
111070
Rhif y Cwmni
5444248
Logio i mewn
Ble ydw i? > Gwaith Ieuenctid

Gwaith Ieuenctid

Rolau a swyddogaethau CWVYS


GWAITH IEUENCTID YN Y SECTOR GWIRFODDOL

Darperir gwaith ieuenctid gyda phobl ifanc 11 – 25 yng Nghymru gan y sectorau gwirfoddol a statudol. Y Datganiad Cwricwlwm Gwaith Ieuenctid ar gyfer Cymru sy’n tanlinellu’r holl ddarpariaeth gwaith ieuenctid.

Hyfforddiant ac Ansawdd

Mae gwaith ieuenctid yn digwydd mewn nifer mawr o sefyllfaoedd ac un o’r prif egwyddorion yw bod pobl ifanc yn cymryd rhan o’u gwirfodd.
 
STRATEGAETH GWASANAETHAU IEUENCTID
Pobl ifanc, gwaith ieuenctid, Gwasanaeth Ieuenctid:
Cyhoeddwyd hwn ym mis Mawrth 2007 yn dilyn ymgynghoriad eang gyda'r maes gwaith ieuenctid.

Mae'r Strategaeth Gwasanaethau Ieuenctid yn darparu 'gweledigaeth ar gyfer gwaith ieuenctid yng Nghymru a'i effaith wrth gyfrannu at agenda polisi Llywodraeth Cynulliad Cymru.'
 

Yn dilyn ad-drefniad o DCELLS (Adran Plant, Addysg, Dygu Gydol Oes a Sgiliau Llywodraeth Cynulliad Cymru), y Gangen Strategaeth Gwasanaethau Ieuenctid sydd â chyfrifoldeb am weithredu'r Strategaeth.

Isod ceir y brif camau gweithredu o'r Strategaeth:

Rhanbartholiaeth
Un o flaenoriaethau'r strategaeth yw rhanbartholiaeth yn seiliedig ar yr ardaloedd ADEW (Association of Directors of Education in Wales) sydd yn ‘cyplysu’r prosesau cenedlaethol, rhanbarthol a lleol o lunio polisïau, eu cyflawni, eu monitro a’u gweithredu yn unol ag ymateb y Cynulliad i Adroddiad Beecham’. Datblygwyd y strwythur gan Brif Swyddogion Ieuenctid Cymru.
 
Cwmpasu'r Gwasanaethau Ieuenctid
Cynhaliwyd arolwg o'r sector ieuenctid a gynhelir a'r sector ieuenctid gwirfoddol yn ystod yr Haf / Hydref 2007 gan gynnwys mudiadau, gweithlu ac adeiladau. Bwriad yr ymarfer cwmpasu yw hwyluso dosbarthu adnoddau.
 
Safonau
Mae Llywodraeth Cynulliad Cymru wedi gofyn am ddatblygu safonau sydd yn mynegi egwyddorion ar gyfer ymgysylltiad y sector gwirfoddol ac i ‘dangos yn eglur ei ymrwymiad i Gwasanaeth Ieuenctid ac Ymestyn Hawliau'.
 
Datblygiad Gweithlu
Elfen fawr o'r Strategaeth yw'r cynllun datblygu gweithlu, sydd wedi bod yn destun cryn dipyn o ymgynghori gyda'r sector yn ystod 2007-8. Mae'r gwaith yma bellach yng ngofal yr Is-adran Gwella Dysgu a Datblygiad Proffesiynol, sy’n rhan o DCELLS.
 
Ariannu Cyfalaf a Refeniw 2008-9
Mae cyllid refeniw a chyfalaf atodol ar gael a gofynnir i'r awdurdodau lleol gwneud ceisiadau i'r LlCC, yn dilyn ymgynghoriadau ar flaenoriaethau lleol gyda rhanddeiliaid lleol, ac os derbynnir y ceisiadau bydd yr arian ar gael o Ebrill 2008. Blaenoriaeth yr arian refeniw yw hyfforddiant a datblygiad gweithlu wedi'i gysylltu â chamau gweithredu’r SGI i gynyddu cymhwysterau (neu cyffelyb) y gweithlu gan gynnwys gwirfoddolwyr.
 
Cyllid Cyfalaf a Refeniw 2009-10
Mae cyllid ar gael ar gyfer 2009-10.  Cysylltwch â’r Prif Swyddog Ieuenctid i wybod rhagor.
Marchnata
Nod marchnata'r Gwasanaeth Ieuenctid yw cynyddu'r nifer o bobl ifanc sydd yn mynychu darpariaeth gwasanaeth ieuenctid a recriwtio i'r gweithlu. Mae grwp strategaeth marchnata eisoes wedi cyfarfod a chytunwyd blaenoriaethau fel wythnos gwaith ieuenctid, ymgyrch hysbysebu, canllaw ymarfer da a phecyn at ddefnydd gweithwyr ieuenctid er mwyn hybu gwaith ieuenctid fel gyrfa i bobl ifanc.
 
Cyfranogiad Pobl Ifanc mewn Penderfyniadau Cyhoeddus
Disgwylir i fudiadau ‘chwarae rôl arweiniol i gynnwys pobl ifanc yn y broses o wneud penderfyniadau, cynllunio ac adolygu gweithredoedd o safbwynt pob mater sy’n effeithio arnynt’.

Datblygir nod barcud yn seiliedig ar y safonau Cyfranogiad gan yr Uned Cyfranogiad a'r Consortiwm Cyfranogiad.
 
 
Canlyniadau i Bobl Ifanc a Mesur Effaith
Ceir pwyslais yn y strategaeth ar ganlyniadau a mesur effaith gan gynnwys y prosiect 'Dangos Llwyddiant' (Demonstrating Success).
 
Am ragor o wybodaeth am ddatblygiadau'r Strategaeth Gwasanaethau Ieuenctid, cysylltwch â CWVYS neu defnyddiwch adran aelodau CWVYS (aelodau CWVYS yn unig)
 
Ceir rhagor o wybodaeth am y Gwasanaeth Ieuenctid a Gwaith Ieuenctid gan Lywodraeth Cynulliad Cymru. http://www.wales.gov.uk
 

Diolch Sam – Gwaith Ieuenctid Cymru
Tyfodd y fenter hon o strategaeth farchnata’r Gwasanaeth Ieuenctid a’r canlyniad yw:
• Yr Wythnos Gwaith Ieuenctid a chylchgronau cyhoeddusrwydd rhanbarthol 
http://www.thankssam.org.uk/cymraeg.html

 
• Pecyn ar waith ieuenctid fel gyrfa a ddatblygwyd gan CWVYS a Promo-Cymru trwy dendr gan LlCC
http://www.thankssam.org.uk/cymraeg/youthworkers/recruitment.html
 
Datblydiad y Strategaeth Gwasanaethau Ieuenctid
 
Gellir weld ddogfen Ymgynghori'r Strategaeth Gwasanaeth Ieuenctid yma:
 
Am ymateb CWVYS i'r dogfen hwn a gyhoeddwyd ar Ionawr 24ain 2007, gweler y dogfen cysylltiedig isod.
(yn Saesneg - cyfieithiad i ddilyn)
 

Y PWYLLGOR SEFYDLOG AR WAITH IEUENCTID YNG NGHYMRU
Sefydlwyd y Pwyllgor Sefydlog ar Waith Ieuenctid yng Nghymru yn 2003 a chynhwysai gynrychiolwyr y prif fudiadau gwaith ieuenctid a hyfforddiant yn y maes hwn. Fe’i crewyd er mwyn rhoi llais unol i’r gwasanaeth ieuenctid yng Nghymru. Ers cau CIC yn 2005, mae’r Pwyllgor Sefydlog wedi cryfhau ei aelodaeth ac wedi diwygio’i gylch gorchwyl mewn ymateb i’r sefyllfa newydd. Mae gan CWVYS a’r Grw^p Prif Swyddogion Ieuenctid chwe aelod yr un ar y grwp newydd hwn.

AROLYGU’R DATGANIAD CWRICWLWM GWAITH IEUENCTID AR GYFER CYMRU
Datganiad allweddol ar yr egwyddorion sy’n tanlinellu pob arfer gwaith ieuenctid yng Nghymru yw’r Datganiad Cwricwlwm Gwaith Ieuenctid ar gyfer Cymru.
 
 
Cyflwyniad i’r Pwyllgor Addysg a Dysgu Gydol Oes
Ym mis Mai 2006, gwnaed cyflwyniad gan Gadeirydd Grwp y Prif Swyddogion Ieuenctid a Phrif Weithredwraig CWVYS i’r Pwyllgor Sgiliau a Dysgu Gydol Oes. Cafwyd gefnogaeth i wasanaethau a gwaith ieuenctid gan y parti drwyddi draw. Mae’r trawsgrifiad i’w gael isod.

 

Rhwydweithiau Sector Ieuenctid Gwirfoddol
Mae hanes hir o gydweithrediad gan y pum rhwydwaith ieuenctid gwirfoddol yn Lloegr, Gogledd yr Iwerddon, Yr Alban, Cymru ag Iwerddon. Y mudiadau yma yw:

CWVYS
NCVYS (National Council for Voluntary Youth Services) – Lloegr
NCYI (National Youth Council of Ireland)
Youthlink Scotland
Youth Net - Gogledd yr Iwerddon
 
 
 

Gwaith Ieuenctid a’r Iaith Gymraeg

Iaith Pawb yw strategaeth Llywodraeth Cynulliad Cymru sydd yn amlinellu eu ymroddiad i Gymru dwyieithog.

Mae uned ieuenctid gan Bwrdd yr Iaith Gymraeg a maent wedi cyhoeddi strategaeth ieuenctid ac yn gweithredu eu cynllun ar gyfer gwasanaethau pobl ifanc. Mae canllawiau wedi eu paratoi ar gyfer datblygiad gwasanaeth o fewn y Partneriaethau Pobl Ifanc.

Nodwyd gan Estyn fod y rhan fwyaf o’r darpariaeth tu allan i oriau ysgol drwy gyfrwng y Gymraeg yn cael ei drefnu gan y sector gwirfoddol (gweler adroddiadau Estyn ar eu harolygiadau o Wasanaethau Cymorth Ieuenctid).

Drwy ei grantiau i’r Awdurdodau Lleol, mae Llywodraeth Cynulliad Cymru wedi rhoi blaenoriaeth i hyfforddiant gwaith ieuenctid drwy gyfrwng y Gymraeg. Maent yn cydweithio â’r sector Gwirfoddol i ddatblygu cyrsiau ‘hyfforddi’r hyfforddwyr’ er mwyn cynyddu’r nifer o hyfforddwyr sy’n cyflenwi cyrsiau gwaith ieuenctid yng Nghymru.

Iaith Pawb: Cynllun Gweithredu Cenedlaethol ar gyfer Cymru Ddwyieithog

Bwrdd yr Iaith Gymraeg

 
(Nid oes ddolen eto ar gyfer canllawiau’r PPI – yn cael eu cyhoeddi 17 Tachwedd)
Ysgrif lawrlwytho: Voluntary Sector & YPP & CP Report Size: [226 KB] File Type: [.doc]
Ysgrif lawrlwytho: Voluntary Sector & YPP & CP Summary Size: [82 KB] File Type: [.doc]
Ysgrif lawrlwytho: CWVYS Response to Young People: Youth Work: the Youth Service Towards a national Youth Ser Size: [228 KB] File Type: [.doc]